漫游

在茫茫網海, 我經常去玩的有幾個網頁。

第一個自然係 blogspot, 並由此引申而認識的其它博客。最近有一位我經常瀏覽的博客竟然成為同事, 有點像小粉絲見到大偶像的感覺, 那種解 myth 的感覺亦相當怪雞。

另一個最近玩得好頻繁的是 flickr 。玩 flickr, 開頭都係因為寫 blog, 為咗可以貼相, 於是俾咗百零蚊開咗個戶口, 開初只是收集電影劇照。直至最近, 由於想紀錄一下中港兩地的生活, 忍痛斥資買了部 digital camera, 開始 upload 多些照片。也由於在大陸有時好得閒, 便在 flickr 內亂碰亂撞, 慢慢的竟然就找到一些很有趣的人、很過癮的群體。透過別人的鏡頭, 窺探別人的生活, 不失為相當有快感的自慰。

再者, 便是豆瓣。朋友介紹了這個站好耐, 我都 register 好耐, 但通常都唔無乜心機成日玩。豆瓣過癮的地方是, 你可以列出自己曾經 or 正在 or 正想看的聽的讀的電影或音樂或書/雜誌。它是用國際編碼的, 故能確保你所指的某本書或某套戲正是別人所指的那一套。透過這樣, 你便可以找到有甚麼人跟你有相似的品味/興趣。豆瓣亦會按你的記錄及其統計資料, '估計'你的喜好, 向你推薦新的書/電影/音樂。當然, 還有不同的分類和群組讓你參與討論。我覺得最過癮的, 是登記一本/套豆瓣上沒有的書/電影 (事關我唔太聽音樂), 好玩!

blogspot 之前在大陸被 block 了, 最近解封但不知可以 last 幾耐, 大部份 blogspot上的中文blogger都係香港人; flickr 因為用英文做介面, 香港人好多, 但內地人亦不少; douban 就簡體字做介面, 但繁體簡體都可以用, 所謂'禁書'都可以照upload, 故香港社群都幾大, 但英文書就相對少。

得閒, 咪玩吓囉! 你地有無好玩網站介紹?